இன்டர்நெட்டில் எங்களுக்கு மகிழ்ச்சியான பொழுது போக்கு தருவதில் இரண்டு விஷயங்கள் பங்கு பெறுகின்றன. ஒன்று பிளாஷ்; இன்னொன்று ஷாக் வேவ். ஆனால் இரண்டும் ஒரே செயலைத்தானே செய்கின்றன. ஆனால் இவை இரண்டுக்குமிடையே சில வேறுபாடுகள் உள்ளன .அவை குறித்து இங்கு பார்ப்போமா!சில நேரத்தில் நாம் இன்டர்நெட்டில் தேடுகையில் ஒரு சில இடங்களில் லிங்க் கொடுக்கப்பட்டு இதில் கிளிக் செய்து தெரிந்து கொள்ளுங்கள் என்று தரப்பட்டிருக்கும். இதில் கிளிக் செய்தால் உங்கள் கம்ப்யூட்டரில் பிளாஷ் அல்லது ஷாக் வேவ் இல்லை; உடனடியாக இன்ஸ்டால் செய்தால்தான் இதனை இயக்க முடியும். உங்கள் வசதி எப்படி? என்று ஒரு டயலாக் பாக்ஸ் கிடைக்கும். இன்ஸ்டால் செய்திட வேண்டும் என்றால் இங்கே கிளிக் செய்க என இன்னொரு லிங்க் இருக்கும். இதில் கிளிக் செய்தால் பிளாஷ் அல்லது ஷாக்வேவ் கிடைக்கும். பின் இன்டர்நெட் தளத்தில் இருந்த அந்த ஆடியோ மற்றும் வீடியோ புரோகிராம் இயங்கத் தொடங்கும்.
இறக்கிப் பதியப்பட்ட பிளாஷ் அல்லது ஷாக்வேவ் உங்களுடைய கம்ப்யூட்டரிலேயே தங்கும். அடுத்த முறை அடுத்த தளத்தில் இவை இயக்கக் கூடிய புரோகிராம்கள் கிடைக்கையில் தானாக இயங்கி அவற்றை இயக்கிக் காட்டும்.
முதலில் இரண்டுக்கும் பொதுவான சில விஷயங்களைப் பார்ப்போம்.
*பிளாஷ் மற்றும் ஷாக்வேவ் இரண்டும் மேக்ரோ மீடியா நிறுவனம் தயாரித்து வழங்கும் இரு தொழில் நுட்பங்கள்.
*அவை வெப் பிரவுசர்களுக்கான ப்ளக் இன் எனப்படும் துணை புரோகிராம்கள்.
*வெப் பிரவுசர்களில் ஆக்டிவ் எக்ஸ் என்னும் நுட்பத்தைப் பயன்படுத்துகின்றன.
*கிராபிக்ஸ், வீடியோ மற்றும் அனிமேஷன்ஸ் போன்ற மல்ட்டிமீடியா ஆப் ஜெக்ட் களை இணையப் பக்கங்களில் இணைத்துக் கொள்ள இவை உதவுகின்றன. இருப்பினும் இன்னும் சற்று ஆழமாகப் பார்த்தால் சில வேறுபாடுகளைக் காணலாம்.
மேக்ரோமீடியா பிளாஷ் (Macromedia Flash)
1. மேக்ரோமீடியா பிளாஷ் உலக அளவில் அதிகமாகப் பரவி உள்ளது. ஏனென்றால் பெரும்பாலான இணைய தளங்கள் அதனை முன்னரே பதிவு செய்திருப்பதனை எதிர்பார்க்கின்றன. வெப் டிசைனர்கள் டெக்ஸ்ட், கிராபிக்ஸ், ஆடியோ மற்றும் வீடியோவினை இணைய தளங்களில் இணைக்க உதவிடுகிறது. குறிப்பாக பயன்படுத்துபவரிடம் கருத்து அல்லது டேட்டா பரிமாறும் தளங்களில் பிளாஷ் பெரிதும் உதவுகிறது. அடுத்த படியாக கேம்ஸ் இயக்கத்தில் இது முக்கியமான செயல்பாட்டினை மேற்கொள்கிறது.2. பிளாஷ், ஷாக்வேவ் டவுண்லோட் ஆவதைக் காட்டிலும் குறைந்த நேரமே எடுத்துக் கொள்கிறது.
3. இணையம் பயன்படுத்துபவர்களுடனான கருத்து மற்றும் டேட்டா பரிமாற்றத்தில் இன்டர்நெட் டெவலப்பர்கள் இன்டர்நெட் பக்கங்களில் டெக்ஸ்ட், வீடியோ, ஆடியோ மற்றும் கிராபிக்ஸ் அனிமேஷன்களைப் பதிக்க பிளாஷ் அதிகமாக உதவிடுகிறது.
4. ஷாக் வேவ் தொழில் நுட்பத்தைக் காட்டிலும் பிளாஷ் பெற கட்டணம் குறைவாகச் செலுத்தினால் போதும்.
5. பிளாஷ் .SWF என்ற பார் மட்டில் செயல்படுகிறது. இது குஐMகஃஉ எனப்படும் ஸ்கிரிப்டிங் லெவலின் ஒரு பகுதியாகும்.
மேக்ரோமீடியா ஷாக் வேவ் (Macromedia Shockwave)
1. 20 கோடிக்கும் மேலான வெப் பயன்படுத்துபவர்கள் ஷாக் வேவ் புரோகிராமினை இன்ஸ்டால் செய்துள்ளனர் என மேக்ரோமீடியா நிறுவனம் கூறுகிறது. மூன்று பரிமாண விளையாட்டுக்கள், டெமோ காட்சிகள், ஆன்லைன் லேர்னிங் புரோகிராம்கள் ஆகியவை ஷாக்வேவ் தொழில் நுட்பத்தினால் சப்போர்ட் செய்யப்படுகின்றன.2. ஷாக்வேவ் பெரும்பாலும் ஆன்லைன் கேம்ஸ் இயக்க பயன்படுகிறது. எளிதான வீடியோ கிளிப் அல்லது அனிமேஷன் இல்லாமல் புரோகிராமிங் தேவைப்படும் ஏரியாவில் ஷாக்வேவ் தான் பெரும்பாலும் பயன்படுத்தப்படுகிறது.
3. பிளாஷ் இயக்கத்தை தன் பார்மட்டில் இணைத்து இயக்கக் கூடிய தொழில் நுட்பத்தினை ஷாக்வேவ் கொண் டுள்ளது. ஆனால் பிளாஷ் இவ்வாறு ஷாக்வேவ் நுட் பத்தினை தன்னுடைய பார்மட்டில் கொண்டு வர முடியாது.
4. மேக்ரோ மீடியா டைரக்டர் கொண்டுதான் ஷாக் வேவ் உருவாக்க முடியும். அது அட்வான்ஸ்டு ஸ்கிரிப்டிங் மொழியின் ஒரு பகுதியாகும். ஷாக்வேவ் உருவாக்க, இயக்க அதன் தொழில் நுட்பத்தினை நன்றாகத் தெரிந்திருக்க வேண்டும்.
5. ஷாக்வேவ், பிளாஷ் தொகுப்பினைக் காட்டிலும் விலை இரு மடங்கு அதிகம்.
6. ஷாக்வேவ் .DCR ஷாக் வேவ் பார்மட்டில் இயங்குகிறது. இதனை உள் நுழைந்து பார்ப்பதோ அல்லது எடிட் செய்வதோ அவ்வளவு எளிதான செயல் அல்ல. மேலே கூறியிருப்பவை நாம் பொதுவாக அறியும் ஒற்றுமை மற்றும் வேற்றுமைகள். தொழில் நுட்ப ரீதியாகப் பார்த்தால் இன்னும் பல தெரிய வரலாம்.
0 கருத்துகள்